19-ноябрдан 23-ноябрга чейин “Ак-Демилге” коомдук фонду жана IHHNL кайрымдуулук уюму менен биргеликте муктаж үй-бүлөлөрдү жана балдарды колдоо максатында бир катар ири кайрымдуулук иш-чаралары өткөрүлдү.
19-20-ноябрь. Азык-түлүк таратуу акциясы
450 муктаж үй-бүлөгө төмөнкү азык-түлүк комплекттери таратылды:
- 10 кг ун,
- 5 кг макарон,
- 5 кг күрүч,
- 5 кг кумшекер,
- 5 литр өсүмдүк майы,
- 1 пачка чай.
21-ноябрь. Үй-бүлөлөрдү туруктуу киреше менен камсыздоо
16 муктаж үй-бүлөгө тооккана курулуп, ар бирине 50 тоок, 3 айлык тоок жеми берилди. Бул иш-чара муктаж үй-бүлөлөрдүн жумуртка сатуудан туруктуу киреше алып, жашоо шарттарын жакшыртуусуна шарт түзөт.
Ошондой эле, 144 үй-бүлөгө жалпы 144 тонна көмүр таратылды.
21-ноябрь. Студенттерге жана окуучуларга колдоо көрсөтүү
- 22 студентке стипендия тапшырылды.
- 4 бүтүрүүчүгө ноутбук берилди.
22-ноябрь. Балдарды колдоо
Мектепке барган 100 жетим жана муктаж балдар жөлөк пул жана окуу куралдары менен камсыздалды.
Жардам алуучулардын тизмелери муниципалдык аймактык башкармалыктардан алынган маалыматтардын негизинде жана “Ак-Демилге” коомдук фондунун социалдык тармактарындагы кайрылуулардын негизинде түзүлдү.
Бул иш-чаралар көптөгөн үй-бүлөлөрдүн жашоо шарттарын жакшыртып, балдарга жана жаштарга келечекке болгон ишенимди бекемдөөгө жардам берди. “Ак-Демилге” коомдук фонду бардык өнөктөштөргө жана каржылык колдоо көрсөткөн IHHNL кайрымдуулук уюмуна терең ыраазычылык билдирет.
