5-ноябрь 2025-жылы Кыргыз азиздер жана дүлөйлөр коомунун Маданият борборунда «Ак Демилге» коомдук фондунун демилгеси менен, IHHNL өнөктөшүнүн колдоосу аркылуу кайрымдуулук иш-чарасы уюштурулду.
Иш-чаранын алкагында тамак-баштыкчалары таратуу акциясы өткөрүлүп, ар бир келген жаранга алдын ала даярдалган толук кандуу ысык тамак салынган баштыкчалар берилди. Ар бир баштыкка төмөнкүдөй азыктар кирди:
– ысык тамак,
– салат,
– жемиш,
– нан,
– шире жана суу.
Жалпысынан 500дөн ашык адамга түшкү тамак берилип, бул күн коомдун аярлуу мүчөлөрүнө жана муктаж жарандарга карата көңүл буруунун, адамдык жылуулуктун белгисине айланды.
Бул иш-чара «Ак Демилге» коомдук фондунун улуттук баалуулуктарга, боорукердикке жана биримдикке негизделген аракеттеринин алкагында өткөрүлүп, биздин негизги өнөктөшүбүз — IHHNL (Нидерландыдагы кайрымдуулук уюму) тарабынан каржыланды.
«Ак Демилге» фонду мындан ары да кайрымдуулук, тарбия жана колдоо багытындагы иштерин улантып, коомубуздагы муктаж жарандарга үмүт жана дем берет деген ишенимин билдирет.
