Бүгүнкү күндө билимдүү, максаттуу жана жигердүү жаштар — коомубуздун негизги кыймылдаткычы. Алардын ар бири келечектин пайдубалын түзөт. «Ак Демилге» коомдук фонду дал ушундай жаштарга таянып, алардын келечегине салым кошууга аракет кылып келет. Биздин стипендиялык программабыз аркылуу жогорку окуу жайда окуп жаткан, жакшы жетишкендиктери жана үлгүлүү жүрүм-туруму менен айырмаланган студенттер ай сайын материалдык колдоого ээ болушат. Бул алардын окуусуна гана эмес, инсан катары өсүүсүнө, коомго болгон жоопкерчилигин түшүнүүгө жана өз ордун табууга чоң шарт түзөт.
Стипендиаттардын арасында өз кесибинде мыкты болууга аракет кылгандар, ыктыярчы болуп иштеп жаткандар жана коомдук ишке активдүү катышып жаткандар көп. Алардын ийгиликтери биз үчүн чоң сыймык.
«Ак Демилге» фонду жаштардын ар тараптуу өнүгүүсүн колдоп, билимдүү жана адеп-ахлактык баалуулуктарга таянган жаңы муунду тарбиялоого аракет кылат. Себеби билим — бул күч, а ыйман жана адеп — бул ошол күчтү туура багытка колдонууга жардам берген компас. Келгиле, жаштарга болгон ишенимди жана колдоону уланталы. Алар — биздин бүгүнкү үмүт, эртеңки келечек.
