«Ак Демилге» коомдук фонду студенттерге жигердүү колдоо көрсөтүп, алардын дараметин ишке ашырууга жана жашоодо ийгиликтерге жетишүүгө аракет кылат. Билимге жана жаштардын өнүгүүсүнө инвестиция салуу – коомубуздун прогрессинин жана гүлдөшүнүн ачкычы деп эсептейбиз.
Стипендия долбоору
Окуудагы жакшы жетишкендиктерди жана үлгүлүү жүрүм-турумду көрсөткөн 22 жогорку окуу жайдын студенттерине ай сайын материалдык жардам көрсөтүлүп турат. Бул колдоо алардын окуусуна көңүл бурууга жана максаттарына жетүүгө жардам берет.
Билим берүү иш-чаралары
Студенттердин кесиптик жана инсандык сапаттарын өнүктүрүүгө багытталган жолугушууларды, семинарларды жана тренинг программаларын уюштурабыз. Бул иш-чаралар төмөнкүлөрдү камтыйт:
Лекциялар жана тренингдер: Эксперттер жана адистер студенттердин көз карашын кеңейтүүгө жана көндүмдөрүн жогорулатууга жардам берип, өздөрүнүн билими жана тажрыйбасы менен бөлүшүшөт.
Семинарлар: Эмгек рыногунда талап кылынган конкреттүү көндүмдөрдү жана компетенцияларды өнүктүрүүгө багытталган практикалык көнүгүүлөр.
Курстар жана окутуу программалары
Фонд ар кандай багыттар боюнча курстарды уюштурат, анын ичинде тил курстары жана кесиптик билим берүү. Бул студенттерге келечегине пайдалуу боло турган жаңы билимдерди жана көндүмдөрдү алууга жардам берет.